Ním jiása’apo bénasi ne jiápsa, into éle bénasi ne batoi

Jume wate ka na’ana’u jita namyame betana ketne, yo’ori bíkbae. Éle bénasi nim batoitu’ukapo ámani, kétne batoi lu’uturiam ne yo’ori’ia into jume wate batoim bétana kechia.

Si ne al-lea enchi nemak tu’ulisi machituka’apo ámani, enchi ne eiya into neemak enchi yeyeewe bétchi’ibo.

Empo ket nak bík ‘ia into empo junuem tu’u bík’peene. Em tu’u jiápsi’ipo ne écha’aka, tu’isi e jiápsa inim jiápsiwamta néemake

Al-leane enchi ne sua’u, enchi ne jijimneu into jaisa empo ne majta, ne emo su’usuane’epo

Ne ket nim ama yu’umalapo, enchi ne tu’u bíkne

Enchimne ne mabét’ia, ním jaisa máchituka’u, into enchine ne ania’ia, si’imet juka nim ta’au machik net a tomtane into tu’isi net jiápse’eka ne majtane, tu’isi jita ne ta’ane bétchi’ibo

Enchi ne aek baesae juka tu’uwata ek ne bícha’o into watenmak empo ne cha’ayasime

Si ne tú’ulisi é’ea enchi ne jíjikaaja’o, enchi ne étejoriau juka weyemta bétana into empo nim lu’uturia jíkkajiijeeteko

Iní’i bea chea ne á’ania, lauti jita ním tá’anepo into lauti nim koba yo’otunepo ámani, sí’imeku

Sí ne tú’ulisi é’ea, enchi net eao into empo net eakai, ket ne yo’oyotutua sí’imeku

Iní’i útteata ne má’amaka ka nim nim kom e’eneu into si’ime juka nim a ta’aneu into jaisa juka ni memo yekaane’u net tomtomta

Si ne tu’ulisi é’ea enchi ne mammakte’o, ketne tulisi é’ea ne rojikteo, ne omteo, ne suaateo

Empo jiba ne mammakte, tua ka tuik ne namya’u juní’i

Si ne tú’ulisi e’ea enchi ne eiya’u

Si ne na’u jiápsi al-lewapo, ne jiápsipea, into yee yo’oriwa’apo, into net jiápsine, chea tu’isi te ito jíkkajine bétchi’ibo

Si ne yo’ori bíkpea into ne jimneu nokkriapea, jáksapo amam juní’i, ka itom yo’oyoriwapo ámani

Ke jabe batoi’ta bénasia, nim tákapo, ke nim batoituka’apo, nim jaisa jita namyau, ketne tu’u bíkwa’u ne lu’uturiak

Tua ne enchi nek jiápsi’ia

Into enchim ne sual ‘ia, jiba emo bénasi, tua ne enchim nek jiápsi’ia

1

2

3

4

5

6

7

8

9

10