HAI KOA AU E NOHO NEI A AU PE KOE Ā.

Ka mo’a koe ia au ka haka varoro koe i to’oku noho iŋa. E ai ro’a to’oku inaŋa pe koe e pahe taŋata ta’a to’a.

KA HAŊA KOE KIA AU – KI KORI – KI KATA TAUA - HAI KOA.

A koe ta’ko’a he haŋa ro’a mo haŋa atu kia koe. Ka to’o mai roto i to’oku mahatu ta’a me’e haŋa ai ka koa koe i muri ia au.

HAŊA RAHI AU MO HAPA’O KOE IA AU – MO HAPĪ MAI KOE PEHE AU ANA HAPA’O IA AU.

I ra kona tako’a au ka tiaki atu nei kia koe hai to’oku huru noho iŋa.

KA HAŊA KOE KI TO’OKU HURU – KA TAURORU MAI KOE I TO’OKU HURU ITE ĪŊA – E KA VA’AI MAI KOE I TU’U MARAMARAMA ENA.

He koa au mo take’a koe ko puai’a to’oku maramarama - He koa au mo tautoru koe ia au mo koa au ki te hua ai.

HE KOA AU MO HAKA ROŊO MAI KOE KIA AU – MO KI MAI KOE HE AHA TE ME’E O TO’OKU KAO KAO – E HE KOA AU MO HAKA ROŊO KOE I TA’AKU PAHONO.

Te me’e nei he va’ai mai i te hokorua he ite au e he nui nui he oho riva riva au.

KA HAŊA KOE KI TO’OKU MANA’U – TA’E HE REO - REO - E KA HAPA’O KOE IA AU KA NUI – NUI KA OHO NEI AU.

He va’ai mai koe i to’oku puai he ma’u to’oku ariŋa a ruŋa he ai to’oku rave’a mo haka aŋa ia au e he riva riva au mo ha’ere a te ara.

HE HAŊA AU MO HA’ORO MA’I MAI – MO PU’A MAI TE RIMA – MO HAKA HAUMARU TO’OKU MAHATU I TE HORA O TO’OKU TAŊI E O TO’OKU RIRI.

I te hora haŋa au mo hoko rua mai koe.

E HAŊA RO’A AU MO HAHA’O KOE IA AU KI TE TA’A TO’A KONA.

Haŋa’a au mo noho i roto i te koa i roto i te haumaru i rote kona ta’a to’a – haŋa tako’a au ki te mo’a e ki tautoru mai koe mo vanaŋa riva riva au ki te tahi taŋata.

KA MO’A KOE IA AU – KA HAPA’O KOE IA AU I TE TA’A TO’A KONA TOTOĀ TAŊATA - E I TE TA’A TO’A RAUHURU ORA ĪŊA TAŊATA.

Pahe ta’a to’a taŋata – to’oku hakari – to’oku merahi – to’oku mana’u e hapa’o koe.

KA HAŊA KOE KI TA’AKU VANAŊA.

E haŋa ro’a au mo haŋa koe ki ta’aku vanaŋa pahe haŋa ena’a e koe.

Mo hapa’o ia au i to’oku noho iŋa i to’oku nui nui ka oho nei pe mu’a pahe poki vahine e poki tane - taure’a re’a e i to’oku huru maui.

1

2

3

4

5

6

7

8

9

10